香港三個日落打卡景點

第一個選擇: 新界區 東涌 – 飛機維修場
等睇日落活動:野餐

東涌所拍攝既日落。

東涌 同香港 總係好似有種若有若無既距離。所以 睇既景色都同香港鬧市或者西貢既寧靜吾一樣。所以好適合一家大細或者一對情人黎呢到談心、野餐,渡過一個期日既下午。

見到飛機,露露就會稔起沖上雲霄,成日稔會吾會遇到D好靚仔既機師呢。呢到飛機維修員可能有幾個,不過吾好講機師,司機都吾會見到個。因為呢到係屬於禁區,所以私家車就吾可以入黎呢個範圍。露露係到影相個陣,有吾少人想試下博大霧。但係無一個成功,呢到吾單止會有維修場既人係到趕車,警車都吾少。所以最多係見到幾個單車團係到練車。

露露就去影日落,影出黎效果都吾錯。如果係情侶,絕對可以用男朋友視覺,幫女朋友影番幾張靚相。

l因為露露比較懶,吾肯行甘遠。所以一落車就行左去最近既石灘上面睇飛機降落。如果吾介意都可以行前d。前面都有一個大草地,好岩影相。而我揀個個位就正正望住港珠澳大橋。夜左開左燈都幾靚。

而同日,都有好多家庭,帶左好多食物黎野餐。坐係大石上面睇住日落再食野,其實都係一個十分浪漫既活動。

呢到就係S52 既總站,飛機維修場。所以想去影相,就要係呢到落車。而影完相走,都係呢到等巴士。

落左車之後,沿入黎既車路行番出去少少。左手邊會見到呢個logo。再向前行。

你會見到有右邊會係大石所組成既海岸線。露露個日就係呢D大石上面影相。

沿路既景色都好靚,絕對係一個好大既地方。每個人都可以至於2米距離,因為沿海岸線都好長。

交通:由東涌地鐵站乘搭S52 到飛機維修場落車

注意:班次比較疏落,要早少少去等車

第二個選擇 :九龍區 尖沙咀海傍
日是活動: 酒店high tea

尖沙咀係其中一個睇維港景色最靚既地方。所以影日落又點少得呢到。

如果大家覺得去東涌太遠,可以考慮下黎尖沙咀。

而尖沙咀海傍沿尖東方向又可以直達紅磡碼頭。如果情侶或者姐妹想傾計,可以一路行一路傾。維港景色仲可以由中環睇到過去鰂魚涌tim。

港女就有少少懶,所以會係呢個平台上面影相就已經好夠。呢個平台成日都會有好多人係到影張,或者談心。

企係平台影出去都幾靚,係到傾計,吹下海風都好舒服。

但係露露影個陣,好多雲,都睇吾到個天。

同一日,露露去左食九龍香格里拉酒店既下午茶。
而家香格里拉做緊一個鳥籠既下午茶。

而香格里拉望出去就係維港景色,都吾錯。

l個日有朋友生日,酒店仲送左件蛋糕tim。

不過食物質素就真係見人見智,露露仲意食甜品。但係食物都真係偏甜左少少。

第三個選擇: 港島 AIA 摩天輪

香港其中一個浪漫睇日落既地方點可以吾提AIA 摩天輪。或者香港人已經遺忘左佢,一開始個陣好多人坐,又要book位,價錢又貴。而家只係需要20蚊就可以坐到。而且如果一班人去既話,以當日露露去坐既時候,低人流量既情況。其實都等於包左成卡車廂。所以情侶黎呢到真係吾錯。

但係如果你係屬於畏高,可能就未必考慮。因為上面雖然好穩陣,但係都真係算高。所以要各位自己衡量一下。

另一方面,車廂比較熱。可能因為天氣熱既關係。但係露露個朋友坐左上去之後,都忍吾住講左句,如果呢D叫冷氣,甘我就真係吾知咩叫暖氣。

如果你對旋轉木馬有興趣,亦都可以考慮去玩埋木馬。因為無人,所以你去到個陣,只要你玩,都會為你一位而開。所以用黎同女朋友談情真係無得彈。

Leave a Reply

This site uses Akismet to reduce spam. Learn how your comment data is processed.

%d bloggers like this: