林伯特的幕后大脑 青训上位的幕后功臣 – 佐迪摩利斯

17

- Advertisement -

每位主帅背后都有一个值得信任既教练团,而当中助教既角色更为重要,可以话系主帅既左右手,小至球队日常操练内容,大至比赛临场布置战术建议都由助教一脚踢,工作覆盖范围什至比主帅仲要广阔,而其中林伯特身为主帅界既初哥,更加需要一位具级数同相当经验既助教去扶持,今集想讲既就系哩位人物,佐迪摩利斯(Jody Morris)。

与林伯特同年的摩利斯,为土生土长的伦敦人,亦正正系喺车路士既青训体系中出道,摩利斯更以17岁43日之龄成为为蓝军于英超上阵既最年轻球员,喺96-03年期间,一共为车路士上阵超过170场比赛,亦同林伯特做过同期队友,不过两人既职业生挨并不一样,林伯特于蓝桥成为传奇球星,而摩利斯其后转会到列斯联等球会继续效力,直到13年正式宣布退役,并随即投身教练行列。

而摩利斯既第一站就系重投史丹福桥,同样地加入青训系统,以U21梯队教练身份继续为车路士效力,而其后亦于U18梯队中担任助教,再正式成为U18梯队主教练,而喺哩四年期间,一共为U18梯队赢左四次联赛冠军以及及青年足总杯冠军,战绩可以话震惊左青少年足球界内,亦令外界憧憬车路士未来能够拥有一班具天资既年轻球员能够为一队上阵。

而喺上季林伯特决定正式接掌打比郡主帅一职后,随即搵黎摩利斯以及另一位车路士体能教练Chris Jones一同协助,亦外借左蒙特同汤姆利两位小将到打比郡一个球季,摩利斯除左善于与年轻球员沟通之外,由于曾以主教练身份称霸U18界别,对于阵式布置战术安排亦有充份理解,所以能够比到林伯特好多额外建议,虽然打比郡最终都无缘晋级英超,不过林伯特就得到重返车路士既机会。

以今季既成绩黎讲,林伯特既表现可以话合格有余,而喺「青春风暴」既背后好大程度要归功于摩利斯既协助,渠喺青训体系果几年所合作过既青训球员可以话多不胜数,对于球员既特质同能力可以话系队中最了解既一个,而渠亦相当信任哩班年轻球员,车路士能够将当日所挂住「青春」既梦想成日今日既事实除左系受惠于转会禁令之外,亦要多得由摩利斯为首既一班教练团队。

Leave a Reply

This site uses Akismet to reduce spam. Learn how your comment data is processed.

%d bloggers like this: