Advertisements

体育/Sports/Sukan

Real Madrid’s Toni Kroos ‘can’t imagine’ Premier League move

Toni Kroos has said he wants to stay at Real Madrid for at least another three years, and…

Advertisements

關於奧巴克 – 你可能不知道的五件事

1. 真正令他上位的是哪一場賽事? 不經不覺,奧巴克加盟馬德里體育會已經六年了。初期,他其實不是球會的正選,直至2015年3月份對利華古遜的歐聯賽事,他在比賽中途入替受傷的莫亞 (Miguel Ángel Moyá)。自此之後,馬體會首席門神之位就再沒有給予其他人了。而且,他更四度奪得西甲最佳門將。 2. 操練就如馬拉松? 奧巴克在斯洛文尼亞球會 Olimpija Ljubljana 出道,但原來當時,他居住的地方和訓練場相當遙遠,因而每天都要踏單車,一來一回是42公里,足足等於一個馬拉松的距離。 3. 運動家族 奧巴克的姐姐Teja…

「他也能稱得上歐洲聯賽收割機?」

能稱得上“聯賽收割機”的領隊肯定讓你聯想到一班執教過無數歐洲豪門球會的領隊。安察洛堤分別喺意英法德取得聯賽冠軍,狂人摩連奴也奪過四個國家的聯賽冠軍(葡英意西),而曼城領隊哥迪奧拿也曾經喺西班牙,德國同英格蘭取得成功。但如果有人同你講現任水晶宮領隊鶴臣(Roy Hodgson)也稱得上聯賽收割機,你會相信嗎? 今年72歲的鶴臣29歲時(1976年)就展開了自己的執教生涯,但與大部份英格蘭教練不同的是他並冇喺英格蘭開啟自己的生涯。鶴臣的首家球會反而是瑞典的Halmstads BK,是當時執教馬模(Malmo)的Bob Houghton將鶴臣推薦給Halmstads的。鶴臣曾經是Houghton的助教,因此Houghton自然了解他的執教能力。對於瑞典球迷來說一名年紀輕輕,無人知曉的英格蘭人就這樣當起了領隊,質疑的聲浪是在所難免的。萬萬冇想到的是,一年後瑞典足壇卻無人唔知道誰是鶴臣!喺無人睇好之下鶴臣帶領Halmstads奪取了瑞超冠軍,這是球會首次問鼎瑞超冠軍。此成就震驚了瑞典足壇,因為鶴臣接手前一年Halmstads只不過是支護級隊,更僅依靠球差護級成功。兩年後鶴臣帶領球隊奪得1979年瑞超冠軍,隨後就離開瑞典回到英格蘭布里斯托城(Bristol City)當Houghton的助教。然而當時布里斯托城的財務狀況糟糕,Houghton下課後鶴臣也只當了四個月的暫時領隊便喺1982年4月遭到解僱。 遭解僱後的鶴臣回到瑞典先後執教了IK Oddevold同Orrebro SK,喺Orrebro SK時也帶領他們奪得瑞亞超聯賽(相等於瑞典的英冠)。1985年鶴臣上任成為馬模領隊,而他也在馬模成功時隔六年後再次奪得瑞超冠軍。鶴臣喺馬模取得了聯賽五連霸(1985-1989),也獲得了兩次瑞典盃。42歲的鶴臣就已經奪得七次的瑞超冠軍了!鶴臣與恩師Houghton也是將zonal marking帶入瑞典足球的開拓者。當時瑞典足球受德國足球所影響所以球隊都使用man marking,鶴臣同Houghton的舉動可謂改革了瑞典足球。鶴臣同Houghton兩人至今喺瑞典足壇依然是無人不知的人物,而鶴臣絕對可以稱得上是馬模的傳奇人物,馬模更曾經向鶴臣開出了終身合約但被他本人拒絕了。馬模的球迷依然非常愛戴他,甚至將球場的一個角落命名為“Roy’s Hörna”(Roy的角落)。 除咗喺瑞典的成功,鶴臣喺2000年執教了丹超球隊FC哥本哈根。鶴臣上任前的前兩季哥本哈根喺聯賽僅能排名第七同第八,但鶴臣的加入帶來即使效應。鶴臣喺丹超的首季便帶領哥本哈根取得球隊自1993年以來的首座聯賽冠軍,也成功帶領球隊贏下2001年丹麥盃。鶴臣為哥本哈根帶來的不僅僅是獎盃,曾經同鶴臣喺哥本哈根共事的教練Jensen表示鶴臣已經徹底的影響了球隊。Jensen話至今哥本哈根的U14球隊依然以鶴臣的方法踢波,而對於Jensen個人來講與鶴臣共事讓當時還是個年輕教練的他大開眼界。 或許喺球迷眼裡,鶴臣只能喺一些非主流聯賽取得成功。其實鶴臣也曾經喺大聯賽中取得成功,其中帶領當時喺英超的富咸晉級歐霸仲殺入決賽。打入決賽的過程中,鶴臣帶領的富咸還淘汰了祖雲達斯,震驚了許多人。當然還有誰能忘記鶴臣曾經喺國米執教過,當時國米隊中有著好幾位現今無人唔識的傳奇球星,比如卡洛斯(Roberto…

值得信賴的無名英雄 防線上的中流砥柱 – 魯迪加

曾幾何時車路士以鐵血防守而命名,而經歷時代洗禮、改朝換代以及方針改變後,今季藍軍防線經已變得相當脆弱,話雖如此,喺一班較為幼嫩既小將之中林伯特亦保留陣中其中一位值得依靠既當打球員 – 魯迪加,近日傳出德甲雙雄想搵返哩位國家隊要員回歸德國,如果依加既車路士再缺少埋佢的話,後果實在不敢想像… 魯迪加少時加入多蒙特青年軍,而其後轉到德甲老牌球隊史特加正式出道,亦一步步上位成為球隊主力正選球員,而「首都狼」羅馬喺哩個時候出手將德國人帶到意大利,其實車路士一直有留意球員去向,無論係仲喺德甲效力之時還是喺羅馬時期,直到2017年藍軍先正式出手將魯迪加收歸旗下,由於當時球會頭號目標邦路斯(Leonardo Bonucci)拒絕出國效力,而雲迪克(Virgil van Dijk)喺價錢上亦唔合乎藍軍嘅預算,喺文路拉斯(Kostas Manolas)等煙幕下突然爆出收購嘅係其隊友魯迪加,實在令唔少球迷感到意外。 哩位德國中堅同時能夠勝任中堅以及閘位位置,而喺效力羅馬其間亦經常喺三中堅以後四後防陣式之間輪換,所以對於果時較為人陌生既三中堅陣式已經有一定認識,而除左喺身高優勢上之外魯迪加既速度爆發力亦相當之強,跑起上黎既段速甚至拍得上啲翼鋒球員,再加上善於閱讀比賽形勢及有良好視野觀察力,能夠準確地將個波由後場傳到鋒線上,亦好勇於帶球出擊;而喺防守方面,魯迪加亦係一位以穩重為先既中堅,唔會過份冒險應清則清,單防能力方面亦係佢既優點之一,好多時一啲進攻球員單對單對住佢都基本上無乜甜頭可言,就好似魯迪加嘅前羅馬隊友沙拿咁。 而上季伙拍大衛雷斯時魯迪加交出既表現亦都相當亮眼,組合上同巴西人一標一包出現1+1大於2既化學作用,兩者可以話能夠相輔相成,可惜自林伯特上任後季初與前者鬧翻,喺轉會窗完結前選擇離隊轉投同巿球會阿仙奴,亦變相令球隊中較有經驗既球員只留下魯迪加一人,再加上德國人喺季初經歷一段唔短既傷患期,車路士既防線上就只能依靠基斯甸臣、蘇馬以及湯姆利三位小將,而交出既防線表現亦令球迷不堪入目,直到魯迪加復出後車路士既後防表現先有所改善,始終缺乏有經驗球員帶領之下年輕小將實在容易受場上氣氛影響而會有落差,可見得依加魯迪加對於車路士實在非常重要。 而喺國家隊方面魯迪加亦被委以重任,喺謝路美保定(Jerome Boateng)同曉姆斯(Mats Hummels)退下後哩位車路士中堅就要同蘇利(Niklas Süle)成為新一代中堅組合,但魯迪加始終係一名比較多傷既球員,而且每次一傷都要休養一段唔短既時間,哩點無疑無影響左佢能更進一步成為頂級中堅既進程,喺傷患方面實在要多加留意。 如無意外車路士係會開出長約續留魯迪加,繼續留喺英超還時回歸德甲將取決於球員自己既去向,而近日亦傳出藍軍會喺黎緊既轉會窗喺中堅位置上有所動作,相信係為德國人既拍檔而做準備,球迷們亦希望見到一對較為穩健既中堅組合演出,逐步減少「救心」既畫面出現。